Våre hytter

Fivla

Turlagshyttane til Luster Turlag, Fivla er open. Me nytter ikkje bestilling. 

Fivla er ein gamal fjellstøl som vart nytta av gardar på Høyheimsvik og Nes heilt nede ved Lustrafjorden. Hytta består av to hus med 12 senger i kvart, pluss ein del madrasser. Hytta egner seg godt til skuleklassar/grupper. Det er dyner og puter i sengene så du treng berre ta med lakenpose eller evt. sovepose. Fivla ligg fint til over skoggrensa på ruta mellom Vigdalsstølen og Navarsete i Breheimen. Rett over ligg utsiktstoppen Fivlenosi (1466 moh.) der ein har heile Jotunheimen og mykje av Breheimen framfor seg. Begge hyttene står ulåste og kan brukast heile året. Vanlegvis held skiføret seg fram mot 1. mai.

Sjå prisar her  


Vekommen!

Fuglesteg

Luster turlag ønskjer nok ein gong velkommen til høgdegarden Fuglesteg og til den praktfulle steinstova frå 1830!

I sommar vil den lokale kunstnaren Signe Fortun Weka ha biletutstilling i kulturfjøsen. Denne blir klar til søndag 26. juni og vil stå til sesongen er over. Kom og sjå og kjøp!

For dagsbesøkande er det svært populært å ta ein kvil inne eller ute og unna seg ei hellekake eller to frå steinstova. Med rømme og syltetøy er det kjempegod tradisjonsmat, og me serverer kaffi/te eller saft attåt!

Her finn du datoar med hyttevakt i 2022! ​​​​​​​

Tungestølen

Turisthytta er eigd av Luster Turlag og vert driven som ei betjent DNT-hytte og kan tilby frukost, lunsj og middag for overnattande.

Sjå Tungestølens eiga heimeside!

Dagsbesøkande er også velkomne til å få seg eit måltid på hytta. Det er køyreveg/bomveg heilt fram til hytta, og hytta er også tilrettelagt for at rørslehemma skal nytte fasilitetane.

Bilar for rørslehemma kan parkere opp ved hytta, andre kan setje av passasjerar ved turisthytta for så å parkere nede på parkeringsplassen på “elvesletta”.

Bestillingar av overnattingar kan gjerast på e-post tungestolen@dnt.no

Les meir om Tungestølen på ut.no, og følg med på vår FB- side!

Vi ber alle gjestar ta omsyn til naturen og beitande dyr i området, spesielt minnar vi om at det er bandtvang for hundar.


Velkommen til Tungestølen!

Austerdalshytta

Austerdalshytta er ein del av det betente anlegget på Tungestølen om sommaren. Men på hausten, vinteren og våren er hytta ein fullverdig ubetent hytte- som ventar på deg!

Det er straum i hytta, så det er ein liten lunk når du kjem fram. Deretter er det berre å fyre i omnen og kose seg. Hytta ligg i eit fantastisk område med bre, høge fjell - rett og slett vill og vakker vestlandsnatur

Når det er snø, blir det køyrt opp skiløyper frå Veitastrond og inn til Tungestølen. Skituren er omlag 5 km i lett kupert terreng. Turen eignar seg også for småbarnsfamiliar. Om hausten og seint på våren kan du køyre fram med bil. 

Sjå meir om hytta, og bestill overnatting via UT.no HER

Prisar på Fivla og Fuglesteg
​​​​​​​(Tungestølen og Auserdalshytta har eigne prisar)

Medlem DNT/Ikkje medlem
Dagsbesøk 40,-/50,-
Overnatting vaksnekr. 200,-/400,-
Overnatting ungdom 13-26 år kr. 100/kr. 200,-
Overnatting born 4-12år(saman med føresette) kr.50/ kr. 100,- 
Overnatting born 0-3år (saman med føresette)Gratis /Gratis

Vipps Fivla: 688929

Vipps Fuglesteg: 690245

​​​​​​​
eller, legg pengar i konvolutt med namnet ditt på og skriv kva beløpet gjeld, eller skriv namn, adresse og kontonummer på konvolutten og ta med deg giro og betal på nettbanken. 

Betalinga dekker bruk av gass, brensel, lys, reinhald og generell slitasje. NB! Pass på å vaska og rydda fint etter deg og hugs å stengja av gassen før du går. Sjekk at dørene er stengde som når du kom!

Grupper og skuleklassar kan ta kontakt med turlaget for spesialpris.
Fuglesteg: Stein Bugge Næss   tlf. 95 87 45 96    e-post: stein.naess@luster-fjordhytter.com
Fivla: Ingeborg Flaten   tlf. 91 77 37 71   e-post: ingeborgflaten@hotmail.com